Құтқару операциясына Paw Protectors волонтерлары қатысып жатыр. Олар үйінділерді тексеріп, аман қалған жандарды іздеген. Жануарлардың құқығын қорғаушы еріктілердің есебінде 300-ден астам жануар бар, деп жазады Anadolu агенттігі.
"Мен мұнда өз командаммен біргемін. Біз кез келген адамның өмірін сақтап қалу үшін бар күшімізді салып жатырмыз. Туыстарымнан бастап жақын достарыма дейін көп адамнан айырылдым. Бірақ біз берілмеуіміз керек, мықты болып қалуымыз керек. Өйткені олардың өмірі (жануарлар) де маңызды", - дейді Paw Protectors Қалалық жануарларды қорғау қауымдастығының мүшесі Ибрагим Гочер.
Қозғалыс еріктілері жануарларды тауып, қажет болған жағдайда оларға алғашқы медицина көмегін көрсетеді, үй жануарларына пана табады. Қазір олар жер сілкінісінен зардап шеккен 10 провинцияның бірі Хатайда жұмыс істеп жатыр.
6 ақпан күні таңертең Түркия мен Сирияда 7,7 балдық жер сілкінісі болды. Кейінгі мәліметтер бойынша, Түркия провинцияларында 35 418 адам қайтыс болды. 105 505 адам жарақат алған. Қираған жерлерден тірі жандарды іздеу жалғасып жатыр.
14 ақпанда Қазақстанның Төтенше жағдайлар министрлігі Қазақстан құтқарушыларының үйінді астынан екі баласы бар әкені құтқарғаны туралы хабарлады. Отбасы 76 сағат бойы өз бетімен шыға алмаған.