ABC News арнасының мәліметінше, 24 қазан күні таңертең Израиль армиясы Газа секторында әуе шабуылдары жүргізіліп, ХАМАС содырларының бірнеше жетекшісі қаза тапқанын хабарлады. Израиль армиясы толық ауқымды құрлық операциясы алдында Газаны атқылауды күшейтті.
"Түнде Израиль армиясының ұшағы ХАМАС террористік ұйымының мүшелері пайдаланатын штаб-пәтерге және мешіттердегі лаңкестер жиналған пункттерге шабуыл жасады", – делінген ЦАХАЛ мәлімдемесінде.
Израиль әскерилерінің мәліметінше, олар бір түнде ХАМАС-тың үш командирін өлтірген. ЦАХАЛ мәліметінше, палестиналық "Нусират", "Шати" және "Альфуркан" батальондары командирлерінің орынбасарлары жойылды.
23 қазанда Израиль армиясы Газа секторының солтүстігінде бірнеше шектеулі рейдтер жүргізіп, жерүсті әскери қимылдарын бастады. Бұл операцияға жаяу әскерлер мен танктер қатысты.