Times of Israel газетінің 15 қарашада жазуынша, ЦАХАЛ израильдік әскерилердің әл-Шифа ауруханасына гуманитарлық көмек қораптарын жеткізіп жатқаны бейнеленген видеоны жариялады.
"ЦАХАЛ бөлімшелері әл-Шифа ауруханасының бөлек бөлігінде ХАМАС-қа қарсы нақты және мақсатты операцияны жалғастыруда, олар ХАМАС лаңкестік инфрақұрылымы мен қару-жарағын іздеп жатыр. Бөлімшелер аурухананың кіреберісіне гуманитарлық көмек жеткізді", – делінген Израиль армиясының ресми мәлімдемесінде айтылған.
Бұған дейін ЦАХАЛ ресми түрде бірнеше күн бұрын қоршауға алынған әл-Шифа ауруханасының аумағында операция жүргізілетінін хабарлады. Израиль әскерилері ХАМАС содырлары аурухананың бір бөлігін жер асты нысандарын жабу үшін пайдаланып жатқанына сенімді. Пентагон да ХАМАС Газа секторындағы ауруханаларды, оның ішінде әл-Шифа ауруханасын әскери мақсатта пайдаланып жатыр деп есептейді.