Жоғары дәрежелі әскери, саясаткерлер мен шетелдік дипломаттардың қатысуымен Иранның жоғарғы көшбасшысы, 85 жастағы аятолла Али Хаменеи елдің жаңа президенті ретінде Масуд Пезешкианды ресми түрде мақұлдады. Осылайша, Пезешкианның өкілеттілігі салтанатты түрде басталды. Бұл туралы Khamenei News агенттігі х әлеуметтік желісінде хабарлады.
Сондай-ақ, 28 шілдеде Пезешкиан өзінің Жарлығымен Мұхаммед Реза Арефті бірінші вице-президент етіп тағайындады.
Бұған дейін президенттік сайлаудың екінші кезеңіне барлығы 30 миллион 510 мың 157 адам дауыс бергені хабарланды. Оның ішінде Масуд Пезешкиан 16 миллион 384 мың 403 дауыс жинаса, Саид Джалили 13 миллион 538 мың 179 дауысқа ие болды.