Ердоған 2025 жылдың 11 қаңтарында Әділет және даму партиясының филиалдар съезінде сөз сөйледі. Ол әйгілі түрік әншісі Ибрагим Татлысеспен диалог жүргізді. Өнер иесі президенттен алдағы президенттік сайлауда өз кандидатурасын ұсынатын-ұсынбайтындығын білуге тырысып, осы сипатта сұрақ қойды.
"Егер сен "иә" десең, мен де "иә" деймін", – деп жауап берді Ердоған әншіге.
Татлысес көпке қарап, "біз оның уәдесін алдық" деп үндеу тастады.
Егер ел парламенті 2027 жылдың екінші жартысында мерзімінен бұрын сайлау өткізу туралы шешім қабылдаса, Ердоған қайтадан президенттікке өз кандидатурасын ұсына алады, - деді бұған дейін Түркия президентінің аға кеңесшісі Мехмет Учум.
Қазіргі Конституцияға сәйкес, мемлекет басшысы қатарынан екі мерзімде қызмет атқара алады. 2023 жылдың мамырында Ердоған екінші мәрте бес жылға қайта сайланған болатын.
2025 жылдың 7 қаңтарында Түркия президенті Режеп Тайып Ердоған Анкара губернаторларымен кездесуде Башар Асадтың 13 жыл бойғы билігі Сирияға 500 миллиард доллар шығын келтірді деп мәлімдеген.