Кездесуден кейін Украина президенті оған Ватиканды Киев пен Мәскеудің келіссөздер алаңына айналдыру туралы ұсынысы үшін алғыс айтты.
"Әлемдегі миллиондаған адамдар үшін понтифик бейбітшілікке деген үміттің символы болып табылады. Қасиетті Тақтың беделі мен дауысы осы соғысты аяқтауда маңызды рөл атқара алады. Украина мен Ресей арасындағы тікелей келіссөздер үшін алаң болуға дайын екені үшін Ватиканға алғыс айтамыз. Біз нақты нәтижелер үшін кез келген форматтағы диалогқа дайынбыз", – деп жазды Украина президенті әлеуметтік желілерде.
Сурет: Telegram/V_Zelenskiy_official
Жаңа понтифик 8 мамырда сайланған күнінен бастап бірнеше рет Украинадағы қақтығысты бейбіт жолмен реттеуге шақырды. 16 мамырда Стамбулда өткен үш жыл ішіндегі алғашқы тікелей келіссөздерден кейін XIV Лео Ватиканның делдалдық жасауға, соның ішінде диалог алаңы ретінде қызмет етуге дайын екенін ұсынды.
Бұған дейін Трамп Путинмен, сондай-ақ Зеленскиймен де телефон арқылы сөйлескелі отырғанын жеткізген болатын.