Бұл туралы БҰҰ Бас хатшысы Антониу Гутерриш Х әлеуметтік желісіндегі парақшасында жазды.
"Мен бүгін АҚШ тарапынан Иранға қарсы қолданылған күшке байланысты қатты алаңдаулымын. Бұл жағдай аталған өңірдің онсыз да қиын жағдайын шиеленістіре түсіріп, халықаралық бейбітшілік пен қауіпсіздікке тікелей жасалған соққы болмақ. Мұндайда жағдай бақылаудан шығып, аймақ халқы мен бейбіт тұрғындарға, сондай-ақ бүкіл әлемге ауыр зардап әкелуі мүмкін. Мен БҰҰ-ға мүше елдерді ұйым Жарғысы мен халықаралық құқық нормаларын бұлжытпай орындауға шақырамын. Қақтығысты бәсеңдету – қазіргі кезеңдегі басты мақсат. Бұл дағдарыстың әскери шешімі жоқ. Алға бастайтын жалғыз жол – дипломатиялық диалог. Жалған емес, шынайы үміт – бейбітшілік", деп жазды Гутерриш.
Сонымен қатар ол "хаос спиралін болдырмауға" шақырып, жағдайдың одан әрі ушығуына жол бермеу қажеттігін ескертті.
2025 жылдың 22 маусымына қараған түні АҚШ Әскери-әуе күштері "Ирандағы үш ядролық нысанға, соның ішінде Фордо, Натанз және Исфаханға" шабуыл жасады. Трамп бұдан кейін Тегеран қақтығысты тоқтатуға келісуі керек деп санайды.