The Financial Times басылымының жазуынша, елде импортталатын тауарлардың құны өсуде. Бұл ретте, импорттық өнімдердің бағасы оның елдегі қоры азайған сайын артып отыр.
АҚШ-тың еңбек статистикасы бюросының мәліметіне сүйенсек, осы жылдың наурызынан тамызына дейін елде қымбаттады:
- аудиотехника (+14%);
- көйлектер (+8%);
- үй тауарлары (+5%).
"Бұл тауарлардың көпшілігі импорттық", – делінген басылымда.
Еске салсақ, Трамп сәуір айының басында шетелдік өнімдерді импорттауға ауқымды баж салығын жариялаған болатын. Оның сөзінше, тарифтер американдық бюджетке миллиардтаған доллар әкеледі.
Бұған дейін АҚШ-тың мемлекеттік қарызы рекордтық сомаға дейін өскенін жазғанбыз.