NDTV мәліметінше, Пуна қаласында тұратын әйел күдіктімен алғаш рет 2023 жылы Facebook арқылы танысқан.
Полиция өкілінің айтуынша, сол жылдың желтоқсанында күдікті Пунаға әйелмен кездесуге келген. Ол өзін Шива құдайының (Махадевтің) жердегі бейнесімін деп алдап, ал әйелді "Парвати" деп сендірген.
Жәбірленушінің сөзінше, ер адам оны Пунадағы Манджари ауданындағы қонақүйге апарып, есінен тандыратын зат берген, содан кейін зорлаған. Сондай-ақ шабуыл кезінде оның рұқсатынсыз суреттерін түсірген.
Әйелдің айтуынша, Палгар ауданында әлеуметтік ұйым басқаратын күдікті кейін сол суреттер арқылы оны бопсалаған. Өткен жылдың мамыр айында ол әйелді Васаи қаласындағы қонақүйге қайта шақырып, тағы да зорламақ болған.
Жәбірленуші күдіктінің дәл осындай тәсілмен басқа әйелдерді де алдап, жыныстық тұрғыда пайдаланғанын мәлімдеді. Құқық қорғау органдары қазіргі уақытта оны ұстау бойынша шаралар жүргізіп жатыр.
Бұған дейін Францияның балаларды әлеуметтік желіден шектегенін жазғанбыз.