ҰҚШҰ баспасөз қызметінің хабарлауынша, бірлескен мәлімдеме Гаагада 2022 жылы 9 наурызда жасалған.
Мәлімдемедегі басты мәселелер:
ҰҚШҰ-ға мүше мемлекеттер химиялық терроризм қатерлеріне байланысты қатты алаңдаушылық білдіреді және өздерінің химиялық қарудан азат әлем жағында екенін нық мәлімдейді.
ҰҚШҰ-ға мүше мемлекеттер терроризмге қарсы күрес мәселелерін саясиландыруға жол бермеудің және оларды қосарланған стандарттар саясатының құралына айналдырмаудың маңыздылығын атап өтті.
ҰҚШҰ-ға мүше мемлекеттер химиялық қару саласында мамандандырылған білімі бар шетелдік террорист-содырлардың Конвенцияға қатысушы мемлекеттерге енуінің алдын алу бойынша ынтымақтастықты кеңейтуді жақтайды.
ҰҚШҰ-ға мүше мемлекеттер ашық құрамдағы ХҚТҰ (Химиялық қаруға тыйым салу жөніндегі ұйым) жұмыс тобының терроризм жөніндегі қызметінің маңыздылығына баса назар аударады.
ҰҚШҰ-ға мүше мемлекеттер химиялық және биологиялық терроризм актілеріне қарсы күрес жөніндегі Конвенцияны әзірлеу туралы Ресей-Қытай бастамасының әлі де өзектілігін сақтап отырғанын растайды.
