Ұлттық ұланның баспасөз қызметі хабарлағандай, Төле би көшесінде патрульдеу кезінде бір жас сарбаздарға көмекке жүгініп, Горький атындағы саябақта екі баласы жоғалып кеткенін айтты.
"Әскери наряд бастығы кіші сержант Жалғас Жексенбек патрульдік қатардағы жауынгерлер Дәурен Құрманалы және Нұрбол Қайыппен бірге бұл жайттан патрульдік топтың бастығына дереу есеп берді. Осыдан кейін тәртіп сақшылары өзге әріптестеріне жоғалған балаларға қатысты мәліметтерді ұсынды", делінген баспасөз қызметі хабарламасында.
15 минуттан кейін Мақатаев көшесіндегі әскери қызметшілер берілген бағдардағы сипаттамаға ұқсас балаларды байқайды. Осыдан кейін олар ата-анасына аман-есен қайтарылды.
Өз кезегінде алматылық әйел жедел әрекеті мен кәсіби қырағылығы үшін құқықтық тәртіп күзетіндегі жауынгерлер мен олардың командирлеріне алғыс білдірді.
