Қазақстан Республикасы Қорғаныс министрінің бұйрығымен Құрлық әскерлері әскери институтының әскери қызметшісі 3-сыныпты сержант Жандос Барлыбаев ерлігі үшін "Ел қорғаны" медалімен марапатталды. Бүгін марапатты қорғаныс ведомствосы басшысының атынан Десанттық-шабуылдау әскерлерінің қолбасшысы генерал-майор Алмаз Жұмакеев табыстады.ҚР Қорғаныс министрлігінің баспасөз қызметі
15 желтоқсан күні Алматы қаласында Красногорская көшесі, 4/1 мекенжайында орналасқан жатақхананың бірінен өрт шыққанын естіген әскери қызметші оқиға орнына барды. Көрші ғимараттың отқа оранған 2-ші қабатын көрген сержант Жандос Барлыбаев терезе торымен екінші қабатқа шықты. Ол жерден 12-13 жастағы баланы, төрт айлық нәрестені алып шығып, балалардың анасына жанып жатқан ғимараттан шығуға көмектесті.