Қарағанды қаласындағы белгілі супермаркеттің бірінен жасырын сатып алушы әдісімен "Вамин" сауда белгісіндегі "Императорский" маркалы жартылай қатты оралған ірімшікті сатып алды. Құрғақ заттағы майдың массалық үлесі 45% құрайды.
Сурет: Жанна Биятан
Әрі қарай, Қазақстан Республикасы "Тұтынушылардың құқықтарын қорғау туралы" заңының 41-бабының 8 және 14-тармақшаларын басшылыққа ала отырып, сондай-ақ, Қарағанды қаласында таралатын тауарлардың қауіпсіздігі мен сапасын қамтамасыз ету мақсатында аталмыш ірімшікке Кеден одағының техникалық регламенті талаптарына сәйкестігіне зерттеу жүргізілді.
Өнім ҚР ДСМ Мемлекеттік сараптама комитетінің Қарағанды облысы бойынша "Ұлттық сараптау орталығы" ШЖҚ МКҚ филиалының аккредиттелген зертханасына Кеден одағының техникалық регламентіне сәйкестігін, оның ішінде өнімнің қауіпсіздігі мен сапа көрсеткіштеріне кешенді зерттеулер жүргізу үшін ұсынылды.
2024 жылдың 24 маусымындағы № 655 тамақ өнімінің үлгілерін зерттеу хаттамасына сәйкес, бұл өнімде тұтынушылар үшін мемлекеттік тілде ақпарат жоқ және бұл Кеден одағының техникалық регламенттерін бұзу болып табылады.
Сурет: Жанна Биятан
"Тағамдық өнімдерді таңбалауға қатысты" КО ТР 022/2011 сәйкес, оралған тамақ өнімдерін таңбалауда төмендегідей ақпараттар қамтылуы қажет:
- тамақ өнімінің атауы;
- тамақ өнімдерінің құрамы;
- тамақ өнімдерінің саны;
- тамақ өнімдерін өндіру күні;
- тамақ өнімдерінің жарамдылық мерзімі;
- өндіруші белгілеген немесе тамақ өнімдерінің жекелеген түрлеріне арналған Кеден одағының техникалық регламентінде көзделген тамақ өнімдерін сақтау жағдайлары. Өнімді бұзылудан сақтайтын қаптаманы ашқаннан кейін сапасы мен қауіпсіздігі өзгеретін тамақ өнімдері үшін орамды ашқаннан кейінгі сақтау шарттары да көрсетіледі;
- тамақ өнімдерін өндірушінің атауы мен орналасқан жері немесе тамақ өнімдерін өндіруші жеке кәсіпкердің тегі, аты, әкесінің аты және орналасқан жері (бұдан әрі – өндірушінің атауы және орналасқан жері);
- пайдалану бойынша ұсынымдар және (немесе) шектеулер;
- тамақ өнімдерінің тағамдық құндылығының көрсеткіштері;
- тамақ өнімдерінде генетикалық түрлендірілген ағзаларды (бұдан әрі – ГТА) пайдалана отырып алынған құрамдас бөліктердің болуы туралы мәліметтер;
- Кеден одағына мүше мемлекеттер нарығында өнім айналымының бірыңғай белгісі.
Ақпаратты мемлекеттік және орыс тілдерінде көрсету
Қазақстан Республикасының "Тұтынушылардың құқықтарын қорғау туралы" заңының 24-бабында: 1997 жылдың 11 шілдесіндегі №151 "Қазақстан Республикасындағы тіл туралы" заңының талаптарына сәйкес, сатушы (дайындаушы, орындаушы) тауар (жұмыс, көрсетілетін қызмет), сондай-ақ, сатушы (дайындаушы, өндіруші) туралы ақпараттарды қазақ және орыс тілдерінде беруге міндетті.
Жоғарыда аталған Заңға сәйкес, мемлекеттік тілдегі ақпарат былайша берілуі қажет:
1) Арнайы ақпараты бар тауарлардың заттаңбалары (жапсырмалары), шетелде жасалған тауарларға арналған нұсқаулықтар импорттаушы ұйымдардың қаражаты есебiнен мемлекеттiк және орыс тiлдерiне аудармасымен қамтамасыз етiледi.
2) Мәліметтердің және көрнекі ақпараттардың барлық мәтіндері мынадай тәртіпте орналасады: сол немесе жоғарғы жағында – мемлекеттік тілде, оң жағында немесе төменгі жағында – орыс тілінде, бірдей көлемдегі әріптермен жазылады. Қажет болған жағдайда егжей-тегжейлер мен көрнекі ақпарат мәтіндері басқа тілдерде қосымша берілуі мүмкін. Бұл ретте қаріп өлшемдері нормативтік құқықтық актілерде белгіленген талаптардан аспауы тиіс. Ауызша ақпарат, хабарландырулар, жарнамалар мемлекеттік, орыс тілінде және қажет болған жағдайда басқа тілдерде беріледі.
Кәсіпкер, аталған нормаларды сақтамаған жағдайда, әкімшілік құқықбұзушылық Кодексінің 75-бабына сәйкес жазалануы мүмкін.
Одан басқа, КО ТР 021/2011 40-бабының 1-тармағына сәйкес, КО-ға мүше мемлекеттер ТР талаптарына сәйкес келмейтін азық-түлік тауарларының КО кедендік аумағында айналымға шығарылуын болдырмау үшін барлық шараларды қабылдауға, сондай-ақ, оларды айналымнан шығаруға міндетті.
Зерттеу нәтижелері тиісті органдарға шара қолдану үшін жіберілді.
Тауарлардың (жұмыстардың, қызметтердің) сапасын зерттеу нәтижелері туралы "МОТҚҚҚ" ҚБ таратқан және басқа да ақпараттар жарнама болып табылмайды және тұтынушылардың құқықтары мен заңды мүдделерін іске асыруға ықпал етеді. Аталмыш фактіге қатысты туындаған сұрақтар бойынша байланыс телефоны: 87054222739. Instagram.
