Кореяның сәнді тауарлары қазір Ақмола облысына да жетті.
Кеден одағының "Сүт және сүт өнімдерінің қауіпсіздігі туралы" техникалық регламентіне сәйкес, сүт дәмі бар сусындар немесе құрамында сүті бар сусындар (КО ТР 033/2013)бірнеше түрлерге бөлінеді.
Мысалы, өндіруші оларды "Сүтті сусын", "Сүт өнімі", "Сүт сусыны" және т.б. деп атауы мүмкін. Тұтынушылар бұл сүт өнімдері толығымен табиғи сүт емес екенін білуі керек.
Мысалы, сүт сусыны – сүттен немесе сүт және сүт өнімдерінің құрамдас бөліктерінен, оның ішінде қойылтылған немесе қоюландырылған және құрғақ сүт өнімдері мен судан жасалған сүт немесе 2,6 пайыздан кем емес сүт ақуызының массалық үлесі мен құрғақ майсыздандырылған сүт заттарының массалық үлесі кемінде 7,4 пайызды құрайтын сүттің құрамдас бөліктерін алмастыру мақсатынсыз басқа сүт өнімдерін немесе сүтке жатпайтын компоненттерді қосу (сүт өнімі үшін).
Көкшетау қаласында сатып алуды жүргізгенде мамандар орталық базарлардың бірінде сатылған төменде көрсетілген ерекше сүт сусынына назар аударды.
Сурет: Жанна Биятан
Бұл сусын кешенді зерттеу жүргізу үшін сынақ зертханасына жіберілді.
Сапа көрсеткіштері, оның ішінде органолептикалық және физико-химиялық көрсеткіштері қалыпты болды.
Уытты элементтерді, микотоксиндерді, антибиотиктерді, пестицидтерді қоса алғанда, қауіпсіздік көрсеткіштері де қалыпты екені анықталды.
Алайда, 2024 жылдың 24 қыркүйегіндегі № 0727/1 сынақ хаттамасына сәйкес, "Ұлттық сараптама және сертификаттау орталығы" АҚ Ақмола филиалының аккредиттелген сынақ зертханасында бұзушылықтар анықталды.
Ақпараттар орыс және мемлекеттік тілдерде ұсынылмаған:
- тамақ өнімдерінің атауы, құрамы және саны туралы: мысалы, өнімнің құрамы туралы ақпаратсыз сатуға шығарылған өнімнің тұтынуға жарамдылығын тұтынушылар анықтай алмайды;
- өндірілген күні, жарамдылық мерзімі және сақтау шарттары, сондай-ақ тағамдық құндылығы көрсеткіштері туралы, бұл тұтынушылардың қауіпсіздігіне қауіп төндіреді, себебі өнімді дұрыс емес жағдайда сақтау оның бұзылуына әкелуі мүмкін;
- тамақ өнімдерін өндірушінің атауы мен орналасқан жері туралы. Мұндай өнімдерді Қазақстан Республикасының аумағында сатуға тыйым салынады;
- өнімді пайдалану бойынша ұсынымдар мен шектеулер және ГМО көмегімен алынған компоненттердің бар-жоғы туралы, бұл тұтынушылардың, әсіресе, тағамның сапасын бақылайтын және құрамында генетикалық түрлендірілген организмдер бар өнімдерден бас тартуды қалайтындар арасында алаңдаушылық тудырады.
- ЕАС белгісі (ЕАЭО елдері нарығында өнім айналымына арналған бірыңғай белгі) жоқ, бұл өнімнің қауіпсіздік стандарттарына сәйкестігіне міндетті сынақтардан өтпегенін көрсетеді.
- Мемлекеттік тілде ақпарат жоқ – техникалық регламенттер бабының 4.1-бөлігі 1-тармағында көзделгендей, қаптамадағы тамақ өнімдерінің таңбаламасы орыс және мемлекеттік тілдерде қолданылуы тиіс.
- Қаптамада азық-түлік өнімдерінің таңбаламасына қажетті белгілер мен пиктограммалар, сондай-ақ қоршаған ортаны қорғау талаптарын бұзатын, пайдаланылған қаптамаларды қайта өңдеу мүмкіндігі туралы ақпараттар жоқ.
Мұндай өнімді айналымнан алып тастау керек, деп есептейді "MOТҚҚҚ" ҚБ өкілі.
Қазір Қазақстанға сүт пен сүт өнімдері түрлі елдерден әкелінеді. Еліміздің дүкендерінде сүт және құрамында сүт бар өнімдердің көптеген түрлері кездеседі. Сапалы және қауіпсіз өнімді таңдау үшін әрбір тұтынушы төмендегідей ережелерді білуі керек:
"Қаптаманы мұқият тексеріңіз. Ол бүтін және ойықсыз болуы керек. Қаптамадағы ақпарат анық, оқуға оңай, сенімді және тұтынушыларды адастырмауы тиіс. Таңбалама әдісі өндіруші белгілеген сақтау шарттарын негізге ала отырып, тамақ өнімінің бүкіл жарамдылық мерзімі ішінде оның қауіпсіздігін қамтамасыз етуі тиіс. Техникалық реттеу саласындағы заңнамаға сәйкес таңбаламадағы сәйкессіздіктер, сондай-ақ өнімді нарықтан алып тастау мүмкіндігі үшін қомақты айыппұлдар қарастырылған". "MOТҚҚҚ" ҚБ өкілі Жанна Биятан
Бұл материалды тұтынушыларды тауардың сапасы мен қауіпсіздігі туралы ақпараттандыру жобасы аясында дайындаған "Маңғыстау облыстық тұтынушылардың құқықтарын қорғау қоғамы" қоғамдық бірлестігі тұтынушылар құқығын қорғау – ортақ міндетіміз екенін еске салады. Тұтынушылар тауарлардың таңбалануын мұқият тексеріп, қандай да бір бұзушылықтар анықталса бақылаушы органдарға хабарласуы керек. Өнімдердің таңбаламасын тексеріңіз және олардың қауіпсіздігіне сенімді болыңыз!
Осыған ұқсас сұрақтар бойынша 87054222739 байланыс нөміріне немесе Instagram-дағы OZPP.KZ парақшасына хабарласуға болады.
