Жеміс шайлары әртүрлі, бірақ, сөзсіз, олардың барлығы жүйке, иммундық және жүрек-тамыр жүйесіне ғана емес, сонымен қатар асқазан-ішек жолына да оң әсер етеді.
Бұл түсінікті, өйткені оның құрамында дәрумендер көп және кофеин аз. Бұл сусындардың құрамында фруктоза бар, ол ағзаға маңызды микроэлементтерді оңай және тиімді сіңіруге көмектеседі. Мамандар инсулинге төзімділіктен зардап шегетін адамдар үшін жеміс шайы қандағы қант деңгейін төмендетуге көмектеседі деп кеңес береді.
Дұрыс шай сусынын қалай таңдауға болатынын "Маңғыстау облыстық тұтынушылардың құқықтарын қорғау қоғамы" қоғамдық ұйымының сарапшысы Жанна Биятан мен ресейлік Валиев ЖК "Осенний пейзаж" жеміс шайының сынамасы негізінде аккредиттелген "Ұлытау өңірі бойынша ұлттық сараптама орталығы" кеңес береді.
Сурет: Жанна Биятан
"Осенний пейзаж" қаптамасындағы ақпараттар орыс тілінде болды. Алайда, мемлекеттік тілде ақпараттар көрсетілмеген.
Біздің мамандардың айтуынша, бұл елеулі заңбұзушылық саналады. – Қазақстан Республикасы "Тұтынушылардың құқықтарын қорғау туралы" заңының 25-бабы 7-тармағына сәйкес, барлық ақпараттар мемлекеттік тілде де, орыс тілінде де көрсетілуі тиіс. Өкінішке орай, біз мұны бұл өнімнен көре алмаймыз.
Бұл және басқа да бұзушылықтар кейбір өндірушілерге тән болып табылады. Тұтынушылар өздерін және отбасын зиянды және өндірістік ережелерге сәйкес келмейтін өнімдерден қорғау үшін сарапшы:
- тамақ өнімінің атауы; тамақ өнімдерінің құрамы;
- тамақ өнімдерінің саны;
- тамақ өнімдерін өндіру күні;
- тамақ өнімдерінің жарамдылық мерзімі;
- өндіруші белгілеген немесе тамақ өнімдерінің жекелеген түрлеріне арналған Кеден одағының техникалық регламентінде көзделген тамақ өнімдерін сақтау шарттары. Қаптаманы ашқаннан кейін сапасы мен қауіпсіздігі өнімді бұзылудан қорғайтын тамақ өнімдері үшін қаптаманы ашқаннан кейінгі сақтау шарттары да көрсетіледі;
- тамақ өнімдерін өндірушінің атауы мен орналасқан жері немесе тамақ өнімдерін өндіруші жеке кәсіпкердің тегі, аты және әкесінің аты мен орналасқан жері;
- ұсынымдар немесе пайдалануға қатысты шектеулер;
- өнімдердің тағамдық құндылығының көрсеткіштері;
- тамақ өнімдерінде генетикалық түрлендірілген ағзаларды (ГМО) пайдалана отырып алынған компоненттердің бар-жоғы туралы мәліметтер;
- ЕАЭО-ға мүше мемлекеттер нарығында өнім айналымына арналған бірыңғай белгінің болуына мұқият назар аударуға кеңес береді.
Ақпарат орыс тілінде және мемлекеттік тілде басылуы тиіс 25-бап.
Оқырмандар үшін анықтама:
Жеміс шайы – туралып кептірілген жемістер мен қара немесе жасыл шайдың қоспасы. Кез келген жемістер алдымен кесіліп, кептіріледі, содан кейін араластырылады. Бұл дәруменді коктейль пайдалы ғана емес, сонымен қатар көптеген адамдар үшін қолжетімді де. Алма, құлпынай және тәтті жемістер жиі жеміс шайларына қоспа ретінде пайдаланылады.
Тәжірибе көрсеткендей, түнде шайдың классикалық сорттарын ішуден аулақ болу керек. Оның орнын жемістер мен шөп шайларымен ауыстыруға болады. Өйткені оларда кофеин мен үдеткіш заттар аз, бұл ұйқыны айтарлықтай жақсартып, босаңсуға ықпал етеді.
Сондай-ақ, жеміс шайлары иммунитетті жақсартуға көмектесетінін, барлығына ішуге болатын және несеп айдайтын қасиеттерге ие екенін ұмытпайық. Бірақ, өкінішке орай, оларға қатты үйреніп алуға да болмайды, өйткені шамадан тыс пайдалану тіс эмалына зақым келтіруі мүмкін.
Сарапшы Жанна Биятан жеміс шайын қауіпсіз пайдалануға қатысты былай деп кеңес береді:
"Алдымен, жеміс шайының құрамын зерттеңіз. Екіншіден, бұл сусынды аш қарынға ішуге болмайды. Үшіншіден, бұл сусынмен дәрі-дәрмектерді қабылдамаңыз. Төртіншіден, кешегі шығарылған шайды ішуден аулақ болыңыз. Соңында айтарымыз, тым ыстық шай ішпеңіз және жоғары сапалы жеміс шайларын ғана сатып алыңыз".
Бұл кеңес беру сипатындағы ақпарат жарнама болып табылмайды. Зерттеу нәтижелеріне қатысты барлық ақпараттар "Маңғыстау облыстық тұтынушылардың құқықтарын қорғау қоғамы" қоғамдық бірлестігінің келісімімен таратылады.
Егер сіз осындай бұзушылықтары бар өнімді сатып алсаңыз, 87054222739 байланыс нөміріне немесе Instagram-дағы OZPP.KZ парақшасына хабарласуға болады.
