Министр Алматыдағы барлық білім беру ұйымы тұрақты және штаттық режимде жұмыс істейтінін мәлімдеді. Сонымен қатар ол Мемлекет басшысының тапсырмасымен 2025 жылға дейін 1000 мектептің құрылысы аясында салынған жаңа мектепке барды. Асхат Аймағамбетов әріптестерімен де кездесіп, оқу процесін жақсарту идеясын талқылады.
Алматының сапалы педагогикалық құрамы қуантты. Атап айтсам, химия пәнінің мұғалімі Тален Салтанатпен, биология пәні мұғалімі Балыбекова Рабиғамен, физика пәнінің мұғалімі Ниязбекова Ақмаралмен таныстым. Әріптестермен осы пәндер бойынша оқу бағдарламаларының мазмұнын талқыладық. Мектеп басшыларының ұсынысын тыңдап, қызықтырған сұрақтарға жауап беруге тырыстым. Біз Алматы мектептері жобасын іске асыру барысын біраз талдап көрдік. Әріптестер қойылған барлық міндетті тиімді іске асырудың маңызын түсінетініне және қолдайтынына көзім жетті.Білім және ғылым министрі Асхат Аймағамбетов.
Министр Қаныш Сәтбаев атындағы Қазақ Ұлттық техникалық зерттеу университетіне барып, жөндеу жұмысымен танысты. Жаңа жатақхананы аралады. Сонымен қатар бас педагог 315 орынға шақталған №186 бөбекжайы жөнделіп, жаңадан ашылғанын көрді.