Білім және ғылым министрлігі Мектепке дейінгі және орта білім комитетінің төрайымы Гүлмира Каримова қазір агенттік шынымен бағдарламаларға да, қазақстандық оқулықтарға да өзгеріс пен толықтыру енгізумен айналысып жатқанын айтты. Ол бағдарламаға бұл өзгерістер енгізілмейінше, оқулықтар өзгертілмейтінін түсіндірді.
Қазақ тілі, математика, тарих, бастауыш сынып мұғалімдеріне, мектепке дейінгі тәрбиешілерге арналған съездер өткіздік. Келесі аптада география пәні мұғалімдерінің съезі өтеді деп жоспарланып отыр. БЖБ және ТЖБ, сынақтар, ауызша емтихандарға қатысты көптеген жақсы ұсыныс айтылып жатыр. Бағдарламаларға өзгерістер мен толықтырулар енгізіледі деп шешілді. Бірақ бұл оны толығымен қайта жазамыз дегенді білдірмейді.Мектепке дейінгі және орта білім комитетінің төрайымы Гүлмира Каримова
Қазіргі оқу бағдарламасын Назарбаев зияткерлік мектебінің оқытушылары құрастырған. Қазір оның өзгерістерімен 200-ден астам қызметкер айналысып жатыр. Олардың ішінде ғалымдар, университет оқытушылары, практиктер, Ы. Алтынсарин атындағы академияның қызметкерлер бар.
Оқулықтарды қайта басып шығару әр төрт жылда бір рет жүзеге асады. Сондықтан бағдарламаға өзгертулер енгізілгеннен кейін ғана жаңа оқулықтар жазу жұмысын бастаймыз.Гүлмира Каримова