Білім министрлігінің басшысы бұл жобаны өте маңызды деп атады.
Жұмыс берушілер біз кадрларды өте ұзақ мерзімде – төрт жылда дайындайтынымызды айтып жүр. Пилоттық режимде қолданбалы бакалаврларды дайындауды қолға алғымыз келеді. Оны университетте 11-сынып негізінде немесе колледж базасында оқыған білімімен белгілі бір уақыт ішінде оқиды. Бірақ оқу мерзімі қарапайым бакалаврдағы оқудан әлдеқайда қысқа болады.Асхат Аймағамбетов
Министрдің айтуынша, еңбек нарығы кадрларды қысқа мерзімде қабылдайды.
Пилоттық жұмыс биыл – жаңа оқу жылының басынан басталады деп жоспарлап отырмыз. Бізде бірқатар жоғары оқу орындарында пилоттық жоба бар. Қазір жоба қай университеттерде болатынын қарап жатырмыз. Елорда мен Алматыда болады деп ойлаймыз. Егер осындай қысқартылған бакалавр дәрежесін бітірген адамға 4 жылдық оқу қажет болса, оның оқуды тоқтатып, толық бакалавр дәрежесін алуға мүмкіндігі болады.Асхат Аймағамбетов
