Былтыр ата-аналар жиналысын өткізудің жаңа форматына көшу тапсырылды. Бұрынғыдай сыныптағы барлық ата-ананы жинап, баланың үлгерімі мен тәртібін талқылаудың қажеті жоқ. Басқа ата-аналардың қатысуымен сіз біреудің баласын талқыламауыңыз керек.Асхат Аймағамбетов
Министрдің айтуынша, мұғалімдер баланың үлгерімі мен тәртібі туралы ақпаратты әр ата-анаға жеке-жеке беруі керек.
Әрине, сіздің балаңыз басқа ата-аналардың алдында талқыланғанда, ата-аналар мектеп жиналыстарына келгісі келмейді. Сондықтан ата-аналар жиналысын өткізудің жаңа форматына көшу қажет. Мұғалімдер ата-аналарға баласының қай пәнге қызығатыны, оны әрі қарай зерттеу керек екені туралы хабардар етуі керек, – деп толықтырды Білім және ғылым министрлігінің басшысы.
Еске сала кетейік, бұған дейін министрлік отырысында Асхат Аймағамбетов еліміздің барлық мектебінде әнұранды апта сайынғы жиында орындауды ұсынған еді. Министрдің айтуынша, бұл балалардың еліміздің мемлекеттік рәміздеріне деген құрметті көзқарасын қалыптастырады.
Сонымен қатар енді оқушылар шет тілін үшінші сыныптан бастап үйренетіні белгілі болды.
Тақырып бойынша оқыңыз:
