Атап айтқанда, Қазақ ұлттық өнер университеті үшін 275 мемлекеттік грант бөлінді, оның 204-і қазақ тілінде.
Оның ішінде даярлыққа:
музыка педагогтары - 8;
орындаушылық өнер - 116;
режиссура, арт-менеджмент - 19;
дирижер - 15;
театр өнері - 24;
бейнелеу өнері - 28.
Мүгедектігі бар адамдар үшін оқуға үш квота, ҚР азаматтары болып табылмайтын ұлты қазақ адамдар үшін – 12, жетім балалар үшін - 3, көп балалы отбасылардан шыққан балалар үшін – 15, толық емес отбасылардан шыққан балалар үшін – 3 квота көзделген. Барлығы 40 қосымша квота бөлінді.
Темірбек Жүргенов атындағы Қазақ ұлттық өнер академиясында мемлекеттік грант бойынша – 260, квота бойынша - 40 қазақстандық білім алу құқығына ие бола алады.
Құрманғазы атындағы Қазақ ұлттық консерваториясына 219 грант және 31 квота, Халықаралық туризм және қонақжайлылық университеті дене шынықтыру мұғалімдерін даярлауға 87 грант және 13 квота бөлінді.
Сондай-ақ, құжат магистратура мен докторантурада оқуға гранттар бөлуді қарастырады.
Бұйрық жобасы "Ашық НҚА" сайтына 15 тамызға дейін талқылау үшін орналастырылды.
