Министр бірінші кезекте мектептердің қауіпсіздігін қамтамасыз ету бойынша алғашқы шаралар – бейнекамералар, оларды Жедел басқару орталығына қосу, дүрбелең түймелері, лицензиялық қауіпсіздікті қамтамасыз ету бойынша белгіленгенін атап өтті.
"Бірақ металл детекторларына қатысты ұсынылып отырған шара қауіпсіздікті қалай қамтамасыз ететінін сарапшылар қауымдастығымен талқылау керек. Егер бұл шынымен де қауіпсіздікті жақсартуға көмектессе, неге бұл мәселені қарастырмасқа?"Ғани Бейсембаев
Журналистер үкімет пен министрліктерге кірмес бұрын әр келген сайын металл іздегіштердің мұқият тексеруінен өтуге тура келетінін айтты. Ал мектептерде мұндай тексеру жоқ. БАҚ қызметкерлері "министрлер кабинетінің мүшелері балалар қауіпсіздігінен бұрын өз қауіпсіздігін жоғары қояды" деп топшылады.
"Балаларымыздың қауіпсіздігінен артық ештеңе жоқ. Сондықтан бұл бағытта премьер-министр мүмкіндігінше балаларымыздың қауіпсіздігін қамтамасыз етуді тапсырды. Бұл жұмыс әлі де жалғасын табады, ол қосымша шараларды қажет етеді. Бұл сарапшылар қауымдастығымен талқылануы керек. Кез келген жаңалық қоғамдық талқылаудан өтуі керек екенін жақсы білесіздер. Идея айтылып, ол бірден жүзеге асырылмайды. Егер қарсы болмасаңыз, біз Астана мектептерін бірге аралап, жағдайды бірге көрейік.Ғани Бейсембаев
Оқу-ағарту министрі қазір мониторингтік топ мектептердің қаншалықты қауіпсіз екенін тексеріп жатқанын қосты. Топтың жұмысы 20 наурызда аяқталады.
13 ақпан күні Петропавл мектебінде төтенше жағдай болды: 9-сынып оқушысы сыныпқа балта мен пышақ әкелген. Салдарынан үш бала зардап шекті. Олардың екеуі жансақтау бөлімінде жатқаны хабарланды.
Кейін оқушы 15 жаста екені, ол депрессия диагнозымен психиатриялық есепте тұрғаны белгілі болды. Оқушы 2022 жылдың қараша айынан бастап қаладағы №4 орта мектепте оқи бастаған. Оқу ісі меңгерушісінің айтуынша, 9-сынып оқушысы мүмкіндігінше оқыған, өзін сабырлы ұстаған.
