Қазақстандық әуе компания қаза тапқандардың жақындары мен туыстарына көңіл айтты, сондай-ақ табиғи апат кезінде зардап шеккендердің барлығына тез сауығып кетуіне тілектестік білдірді.
"Air Astana 2023 жылдың 6 ақпанына дейін Қазақстаннан Ыстамбұл мен Анталияға және кері рейстерге билет сатып алған жолаушыларға 15 наурызға дейінгі аталған өз рейстері бойынша бір реттік тегін қайта брондау қызметін немесе билеттің құнын толықтай қайтаруды ұсынады", делінген хабарламада.
6 ақпанда таңертең Түркияның орталық бөлігінде бірнеше жер сілкінісі болды. Содан кейін жер асты дүмпулері Адана, Анкара, Анталья, Газиантепе, Кайсери, Мерсин, Трабзон, Шанлыурфта сынды әртүрлі аймақтарда жарты сағат бойында сезіліп отырды. Билік дабылдың ең жоғары деңгейін жариялады. Соңғы мәліметтер бойынша, Түркияда жер сілкінісі салдарынан қаза тапқан адамдар саны 1014-ке дейін жетті.
