Заңды Сауда және интеграция министрі Серік Жұманғарин таныстырды.
Оның айтуынша, заң жобасы Еуразиялық экономикалық одақ туралы шарттың 55-бабын іске асыру үшін әзірленген және мүше мемлекеттердің үшінші елдермен Еуразиялық экономикалық Одақтың техникалық регламенттерін техникалық реттеу объектісі болып табылатын өнімдермен өзара саудасындағы техникалық кедергілерді жою тәртібі мен шарттарын айқындайды.
Министр бүгінгі таңда 52 техникалық регламент қабылданғанын, оның 45-і күшіне енгенін атап өтті.
"Келісімді қабылдау Одақ пен үшінші елдер аумағында белгіленген міндетті талаптардың салыстырмалылығын анықтау негізінде сәйкестікті бағалау нәтижелерін өзара тануға жағдай жасайды". Серік Жұманғарин
Сенаттың экономикалық саясат, инновациялық даму және кәсіпкерлік комитеті ұсынған қорытындыда келісімге сәйкес Одақтың осындай елдермен халықаралық шарттар жасасуы арқылы жүзеге асыратын үшінші елдермен өзара саудадағы техникалық кедергілерді жою көзделетіні жазылған.
Одақтың халықаралық шарттарын жасасу мынадай шарттарды орындау мүмкіндігі ескеріліп, іске асырылады:
- Одақ шеңберінде айналысқа шығарылатын өнімдердің Одақтың техникалық регламенттерінде белгіленген талаптарға сәйкестігін қамтамасыз ету және үшінші елдің аумағында айналысқа шығарылатын өнімдердің үшінші елдің заңнамасымен белгіленген талаптарға сәйкестігін қамтамасыз ету;
- Одақ шеңберінде айналысқа шығарылатын өнімге қатысты Одақтың техникалық регламенттерінде белгіленген міндетті талаптардың салыстырмалылығын айқындау негізінде сәйкестікті бағалау нәтижелерін мойындау;
- үшінші елде аккредиттеу жөніндегі органның болуы;
- мүше мемлекеттердің және үшінші елдің аккредиттеу жөніндегі органдарының мүше мемлекеттерде және үшінші елде қолданылатын сәйкестікті бағалау жөніндегі органдарды аккредиттеу рәсімдерінің өзара салыстырмалы бағалауларын жүзеге асыруы арқылы аталған рәсімдердің тең мәнділігін қамтамасыз ету;
- Одақ шеңберінде және үшінші елде жүргізілетін сәйкестікті бағалау рәсімдерінің тең мәнділігін қамтамасыз ету; техникалық реттеу объектілерінің міндетті талаптарға сәйкестігін бағалау нәтижелерін мүше мемлекеттердің және үшінші елдердің өзара мойындауы.
Келісімді іске асырудан күтілетін нәтижелер:
- Одаққа мүше мемлекеттердің үшінші елдермен және шешуші интеграциялық бірлестіктермен тауар қауіпсіздігі мен тауар айналымын дамытудағы мүдделер теңгерімін сақтай отырып, саудадағы техникалық кедергілерді өзара жоюдың тетіктері мен шарттары арқылы өзара тиімді ынтымақтастықты арттыру;
- өнімдерге қойылатын талаптарға баламалы көрсеткіштер бойынша қосымша сынақтар жүргізбей үшінші елдердің нарықтарына тауарларды шығару мүмкіндігі;
- өзара саудадағы тауардың түпкі құнына әсер ете отырып, кәсіпкерлер үшін қаржылық шығындарды азайту болып табылады.
Сенатор Ләззат Рысбекова келісім ЕАЭО-ға мүше мемлекеттер мен үшінші елдер мен негізгі интеграциялық бірлестіктер арасында мүдделер теңгерімін сақтай отырып, саудадағы техникалық кедергілерді өзара жоюдың дамыған тетіктері мен шарттарының болуы арқылы өзара тиімді ынтымақтастықты құруға көмектесетініне сенімді.
