ҚР Ғылым және жоғары білім министрлігінің мәліметінше, қазақстандықтар Кения, Нигерия, Түркия, Дания, Өзбекстан және Норвегиядан келген бәсекелестерді басып озды. Конкурсқа барлығы 120 елдің командасы қатысған.
"Болашақ түлегінің "Cerebra" атты инновациялық әзірлемесі инсультті барынша жылдам әрі нақты диагностикалауға көмектеседі. Жасанды интеллект 4 минуттың ішінде инсультті анықтайды және бас миының нақты картинасын ұсынады" – делінген министрлік таратқан хабарламада.
Досжан Жүсіповтің айтуынша, әдеттегі практикада бұған дәрігерлердің бірнеше сағаты кетеді, ал өңірлерде анықтау үшін тәулік өтуі мүмкін.
"Платформа ишемиялық және геморрагиялық инсультті анықтайды", – дейді жас ғалым.
