Елімізде қанша адам атаулы әлеуметтік көмек алады

ҚР Еңбек және халықты әлеуметтік қорғау министрлігі атаулы әлеуметтік көмек (АӘК) алушылар туралы ақпарат берді, деп хабарлайды Zakon.kz.

"2023 жылғы 1 шілдедегі жағдай бойынша 98,8 мың отбасындағы 517,9 мың адамға атаулы әлеуметтік көмек тағайындалды. Биыл осы мақсаттарға бюджеттен 67,3 млрд теңге бөлінді", – делінген министрлік таратқан ақпаратта.

АӘК отбасының әрбір мүшесіне жан басына шаққандағы орташа табысы өңірлік ең төменгі күнкөріс деңгейінің 70%-ынан төмен азаматтарға тағайындалады.

2023 жылғы 1 қаңтардан бастап кепілдендірілген әлеуметтік топтама көмектің табиғи нысанынан, монетизациялау форматына қосымша төлем түріне 1 жастан 6 жасқа дейінгі балаларды қоса алғанда 1,5 АЕК мөлшеріне (2023 жыл – 5175 теңге) ауыстырылды.

2023 жылғы 1 шілдедегі жағдай бойынша АӘК алушылар қатарындағы 1 жастан 6 жасқа дейінгі балаларды қоса алғанда – 157,9 мың балаларға қосымша төлем тағайындалды.

"Қазіргі уақытта қазақстандықтар АӘК тағайындауға өтінішті тұрғылықты жері бойынша жұмыспен қамту орталығында, ауыл округінің әкіміне сондай-ақ egov.kz электрондық үкімет порталы арқылы бере алады".ҚР Еңбек және халықты әлеуметтік қорғау министрлігі 

Еңбек және халықты әлеуметтік қорғау министрі Тамара Дүйсенова үкімет кулуарында 19 сәуірде мәжіліс депутаты Гаухар Танашеваның балалар жәрдемақысының мөлшерін ұлғайтып, АӘК-ні алып тастау ұсынысына түсініктеме бере келе, атаулы әлеуметтік көмек төлеуді тоқтату мүмкін емес екенін айтты.

Қазақстан
Жаңалықтан zakon.kz сайтында хабардар болыңыз: