ҚР Денсаулық сақтау министрлігінің хабарлауынша, кене адамның денесінде 12 күнге дейін жабысып тұра алады және осы уақытта диаметрі 2 см шардың мөлшеріндей болып өседі.
"Кейбір жағдайларда кенелер энцефалит, кене сүзегі, кене боррелиозы, Конго-Қырым геморрагиялық қызбасы сияқты қауіпті аурулардың тасымалдаушысы болып, аллергиялық реакциялар тудыратынын есте ұстаған жөн", - делінген министрлік хабарламасында.
Егер кене шағып алса не істеу керек?
- Ең дұрысы дереу дәрігерлерге медициналық көмекке жүгіну керек.
- Біріншіден, кенені толығымен өз бетінше алу мүмкін емес. Кененің басы жұлынып, жараның ішінде қалуы мүмкін.
- Екіншіден, ем-шара кезінде кенені ұсақтауға болады. Жәндіктердің уы денеге тері арқылы да енуі мүмкін. Ем-шараны жүргізушіге жұқтыру қаупі бар.
- Үшіншіден, егер сіз кенені өзіңіз алып тастасаңыз оның жұқтырғыштығын білу мүмкін болмайды және оны тексеру үшін маманға бару керек.
Егер кене шағып алғаннан кейін дене температурасының жоғарылауы, ауырсыну, қатты бас ауруы байқалса, дереу дәрігермен кеңесу керек. Өзін-өзі емдеу қайғылы салдарға әкелуі мүмкін.
"Жәндіктерден қалай сақтануға болады? Табиғатқа (жайылымға, егістікке және демалыс орындарына) барған кезде жәндіктердің шағуынан қорғану құралдарын (репелленттерді) өзіңізбен бірге ала шығыңыз. Қатты, ашық түсті киім киіп, дененің ашық жерлерін (бет, мойын, қол, тобық) мүмкіндігінше жабыңыз, жабық аяқкиім киіңіз", - деп кеңес берді мамандар.