Қазір жылу пункттерінде 139 адам бар, оның 14-і балалар. Ал бақылау бекеттерінде 664 техника, оның ішінде 346 жеңіл және 318 жүк көлігі тұр.
Кеше еліміздің бақылау-өткізу бекеттерінде 1400-ге жуық техника жинақталған.
Құтқару жұмыстарына, жолдарды тазалауға 232 адам мен 134 бірлік жұмылдырылған. Барлығы төтенше жағдайлар министрлігінің, Ішкі істер министрлігінің, жергілікті атқарушы органдардың, жол тазалаушы қызметтерінің техникасы.
Нұр-Сұлтан, Ақмола, Шығыс Қазақстан, Жамбыл, Қарағанды, Қостанай, Солтүстік Қазақстан, Алматы, Павлодар және Түркістан облыстарында ауа райының нашарлауына байланысты республикалық және 42 облыстық маңызы бар жолдардың 24 учаскесі жабылды.
Нұр-Сұлтан, Ақмола, Қарағанды, Солтүстік Қазақстан, Павлодар, Шығыс Қазақстан және Жамбыл облыстарында республикалық және аумақтық жедел штабтар құрылды.
Төтенше жағдайлар министрлігі азаматтарды ауылдан шығарда қауіпсіздік ережелерін сақтауға шақырады! Ұзақ сапарға шығар алдында ауа райы болжамымен танысып, көліктің техникалық жай-күйі жақсы жағдайда екеніне көз жеткізіп, экстремалды жағдайларда көмектесетін барлық қажетті заттарды өзіңізбен бірге алып жүру ұсынылады. «Дармен» мобильді қосымшасы жолдардың жабылуы мен дауылды ескертулерден хабардар болуға мүмкіндік береді. Бірыңғай жедел құтқару нөмірі 112. Қазақстан Республикасы Төтенше жағдайлар министрлігінің баспасөз қызметі
