Pavlodarnews.kz берген мәліметке сай, Павлодарлық құтқарушыларға өзендегі мұздың үстінде екі жасөспірім жүргені туралы 20 ақпанда сағат 16:15-те хабарлама түскен.
Күннің жылынуына байланысты Ертіс жағалауы акваториясы бойынша жоспарлы аралау жүргізілді. Балалар инвесторлар үйінің маңында көзге түсті. Екі жасөспірім Заячий аралына мұз үстімен өткен, - деді облыстық төтенше жағдайлар департаментінде.
16 жастағы жасөспірімдер құтқару станциясына жеткізіліп, оларға бұл әрекеттері қауіпті екені ескертілді. Бұдан кейін жасөспірімдер полицияға тапсырылды.