Қазақстан аумағында көктемнің алғашқы күндерінде тұрақсыз ауа райы сақталады. Республиканың солтүстік жартысында фронтальды бөліктердің өтуімен жауын-шашын, негізінен қар жауады, бұрқасын соғып, жел күшейеді. Оңтүстікте жаңбыр жауады, найзағай ойнайды. «Қазгидромет» РМК
Болжам бойынша, республикада тұман түсіп, көктайғақ болады.
Ауа температурасының төмендеуі күтілуде: батыста түнде -2...-10°C, күндіз +2...+15°C; республиканың солтүстігінде, шығысында және орталығында түнде термометрлер -15...-20°C дейін төмендейді, күндіз негізгі фон 0...-10°C; Республиканың оңтүстік және оңтүстік-шығыс жартысында түнде 0…-8°C, күндіз +5...+15°C. «Қазгидромет» РМК