Әуежайдың жабылуына байланысты 17 наурыздан 17 сәуірге дейін Ақтөбеге рейс тоқтатылды, деп хабарлайды Air Astana.
Әуе компаниясы жолаушылар 2022 жылдың 31 мамырына дейін қолжетімді рейстерге билеттерді тегін қайта брондау, сондай-ақ билеттерді сатып алу орнында толық қайтару мүмкіндігін бере алатынын атап өтті.
11 наурызда Ақтөбе әуежайындағы ұшу-қону жолағының жұмысы тоқтатылғаны белгілі болды.
Келесі күні қала басшылығы әуежайдың уақытша түнде ғана жұмыс істейтінін түсіндірді.
Әуе кемелерін қабылдау және шығару күндізгі уақытта тоқтатылады. Барлық рейстер 18:00-ден кейін, түнде орындалады. Ақауларды жойғаннан кейін ҚР Авиация әкімшілігінің мамандары ұшу-қону жолағын қайта тексеріп, одан әрі пайдалану туралы шешім қабылдайды. Жұмыс жүріп жатыр. Ақтөбе облысы әкімдігінің баспасөз қызметі