Биіктік пен Кіші және Үлкен Алматы өзендерінің бассейндеріндегі қар жамылғысының тұрақсыз жағдайына байланысты 25-28 наурыз аралығында қар көшкіні жүру қаупі сақталады, деп хабарлады қалалық төтенше жағдайлар департаменті «Қазгидромет» РМК-ға сілтеме жасап.
Ведомствоның мәліметінше, 24 наурызда сағат 08:40-тан 10:40-қа дейін «Шымбұлақ» тау-шаңғы курорты аумағында қауіпсіздікті қамтамасыз ету үшін Кіші Алматы өзені бассейнінде қар көшкінін алдын алу жұмыстары жүргізілді.
Жұмыстардың нәтижесінде 600 текше метр қар массасы төгілді. Алматы қаласы Төтенше жағдайлар департаментінің баспасөз қызметі
Осыған байланысты қалалық ТЖД туристер мен демалушыларды таулы аймақта серуендеуден бас тартуды сұрайды.
