23 наурызда Instagram желісінде видео жарияланды. Онда жол жиегінде тұрған полиция формасын киген бала Шет ауданы, Ақсу – Аюлы ауылының көшелерінің бірінде көлік қозғалысын реттеп тұр.
Полицейлер жас жол инспекторын тапты. Бұл бес жасар Бағдәулет Ағзамов болып шықты.
Баланың әкесі Бағдәулет ұлының полиция болуды үш жасынан бастап армандағаның айтады.
Әкесі ұлына полиция формасын сатып алғанда, бала арманына біршама жақындады.
Бағдәулет оны бірден киіп, көшеге шықты. Отағасы дүкенде болған кезде бала ауа райының қолайсыздығынан барлық жолдардың жабылғанын білген. Бала жол жиегінде тұрып, өтіп бара жатқан көліктердің жүргізушілеріне боран басталатынын ескертті. Қарағанды облысы ПД баспасөз қызметі
Ағзамовтар отбасына Қарағанды облысы Шет аудандық ішкі істер бөлімінің бастығы Мадияр Менісов арнайы барды.
Ол Бағдәулетті экскурсияға шақырды: баланы қызметтік көлікпен Алматы-Екатеринбург жолында қызмет ететін патрульшілерге әкелді, содан кейін оған полиция бөлімінің өзін көрсетті. Мұнда балаға естелік сыйлықтар табыс етілді.