29 наурыз күні сағат 16:00-ден бастап екпінді жел мен қатты жаңбырдың салдарынан түрлі оқиғалар орын алып, олар туралы ТЖД 112 желісіне хабарлама келіп түсті:
автокөліктердің үстіне құлаған ағаштар – 21;
жеке тұрғын үйлердің, көпқабатты, әкімшілік ғимараттардың шатырын жұлу – сегіз;
көпқабатты үйлердің қаптамасын бұзу – екі;
автотұрақ қоршауын бұзу – екі;
троллейбус желісінің үзілуі – бір.
Ведомствода екі ересек ер адам жеңіл жарақат алғанын түсіндірді. Оларды дәрігерлер тексерді. Қазіргі уақытта олардың өмірі мен денсаулығына ештеңе қауіп төндірмейді.
Жауын-шашын түнгі үшке дейін жалғасады. Осыған байланысты қала тұрғындарына көліктерін ағаштардың астында қалдырмауға кеңес береміз! Алматы қаласы Төтенше жағдайлар департаментінің баспасөз қызметі
