Алматы әкімдігі маңындағы түтін алматылықтарды шошытты

Сәуірдің 6-сы күні таңертең Алматы тұрғындары әкімдік маңындағы «өрттің» видеосын тарата бастады. Назарбаев даңғылының бойымен келе жатқан оқиға куәгері ғимарат жағынан шыққан түтінді видеоға түсіріп алған, деп хабарлайды Zakon.kz.

Желіде әкімдік тағы өртенді, әлде қураған ағаш өртенді деген қауесет тарады.

Алматы қалалық ТЖД Zakon.kz сайтына берген жауабында ауданда өрт болғаны туралы мәлімет жоқ. Сәлден соң түтіннің шығуына Алматыда бекітілген жоспар бойынша басталған кенеге қарсы емдеу жұмыстары себеп болғаны белгілі болды.