Жуалы аудандық орталық ауруханасының қабылдау бөліміне барлығы 48 адам медициналық көмекке жүгінген. Оларды 11 жедел жәрдем көлігі жеткізді. Зардап шеккен 16 адам ауруханаға жатқызылды. Төрт адам жансақтау бөлімінде, 12 адам хирургия бөлімінде жатыр, өкінішке орай екі адам қайтыс болды. Жамбыл облысы әкімдігінің денсаулық сақтау басқармасының баспасөз қызметі
Жамбыл облысы Төтенше жағдайлар департаментінің мәліметінше, аударылған автобус Өзбекстан Республикасында тіркелген.
Жамбыл облысы Төтенше жағдайлар департаментінің базасында жолаушылар автобусында болған жолаушылар мен жүргізушілердің отбасылары мен жақындарына психологиялық көмек көрсету үшін жедел телефондар ашылды. Жамбыл облысы Төтенше жағдайлар департаментінің баспасөз қызметі
Жедел желі телефондары: 8 (7262) 51-35-75, 51-41-67.
Оқиға орнында облыстық Төтенше жағдайлар департаментінің қызметкерлері құтқару жұмыстарын жүргізуде.
Еске салайық, 12 мамырда Жамбыл облысында – «Батыс Еуропа – Батыс Қытай» көлік дәлізінің 571-ші шақырымында (Алматы-Ташкент тас жолы) жол-көлік оқиғасы орын алған болатын. Апат салдарынан жүргізушінің көмекшісі мен автобус жолаушысы оқиға орнында қаза тапты, 33 адам ауруханаға жеткізілді, оның үшеуі жансақтау бөлімінде жатыр. Аталған факті бойынша сотқа дейінгі тергеу амалдары басталды. Қазақстан Республикасының Қылмыстық кодексінің 345 бабының 4-бөлігі бойынша іс қозғалды.