Кездесу жылы шырайлы әңгімеге ұласты. Аймақ басшысы өнер адамдары үлкен құрметке лайық екенін баса айтты.
Сурет: Жамбыл облысы әкімінің баспасөз қызметі
Еліміздің рухани тірегі – ұлттық құндылықтарымыз, мәдениетіміз, әдебиетіміз болса, Сіздер өнеріміз бен мәдениетімізді, ғасырлар бойы атадан балаға мұра болған асыл қазынамызды өскелең ұрпаққа жеткізу жолында аянбай еңбек етіп келесіздер. Сіздерге еліміздің, облыстың мәдениетінің дамуы жолындағы елеулі еңбектеріңіз бен белсенділіктеріңіз, облыс халқына өз шығармашылықтарыңызбен қолдау көрсеткендеріңіз үшін ризашылығымды білдіргім келеді, - дей келе Нұржан Нұржігітов өңірдегі мәдени-тарихи бағытта атқарылып жатқан жұмыстарға қысқаша тоқталып өтті.
Өз кезегінде сала ардагерлері мен қызметкерлері де орамды ойларын ортаға салып, ұтымды ұсыныс-пікірлерін білдірді.
Сурет: Жамбыл облысы әкімінің баспасөз қызметі
Басқосуда облыстық көзі көрмейтін және әлсіз көретін азаматтар кітапханасының директоры Жанна Алшынбаеваға, Д.Қонаев атындағы облыстық балалар мен жасөспірімдер кітапханасының директоры Гүлфайруз Инкарбековаға, К.Әзірбаев атындағы облыстық филармониясының әртісі Құрмантай Қуанышбаевқа, облыстық орыс драма театрының әртісі Марина Просоловичке, «Меркі әуендері» ән-би ансамблінің музыкалық жетекшісі Мария Раимкуловаға, Талас ауданы Ақкөл ауылдық мәдениет үйінің солисті Жақсылық Тілеубековке, облыстық тарихи-өлкетану музейінің орынбасары Ранохан Убайдуллаеваға Қазақстан Республикасы Мәдениет және спорт министрлігінің «Мәдениет саласының үздігі» төсбелгілері табысталды. Сондай-ақ, бірқатар сала қызметкерлері мен өнер майталмандары облыс әкімінің Құрмет грамотасы және Алғыс хаттармен марапатталды.
Сурет: Жамбыл облысы әкімінің баспасөз қызметі
