Полицияның дерегінше, демалушылар ішімдік ішіп, өзара сөзге келіп қалыпты. Соңы жанжалға ұласып, бірі екіншісінің мойнына пышақ салған.
Бірақ, жарақаты жеңіл болғандықтан, науқас ауруханаға жатқызылмапты. Бұл оқиғаға қатысты полиция іс қозғады.
293 бап бойынша Қылмыстық Кодекстің бойынша сотқа дейінгі іс қозғалды. Және басқа да адамдарға осы компанияның 440-ншы, 434-ншы бап бойынша әкімшілік хаттама толтырылды. Жасқайрат Қайыров, Павлодар облыстық полиция департаменті бастығының бірінші орынбасары
Павлодар қаласының тұрғындары өзен жағалауында ішімдік ішетіндер көп екенін айтады. Сондықтан, тәртіп бұзған бұзақыларға қатаң жаза қолданылуы керек – дейді.