Көп кезеңді жедел іс-шаралар шеңберінде 2022 жылғы 2-3 маусымда Алматы қаласында "альфа-PVP" есірткі затының 17.7 келісін тасымалдау және сақтау кезінде есірткі қылмысына қатысты топтың 4 көмекшісі ұсталды. Ұсталғандардың бірінің тұрғылықты мекен-жайы бойынша психотроптық заттарды өндіретін жерасты зертхана табылды.
Сурет: ҰҚК баспасөз қызметі
Есірткі контрабандалық жолмен Қырғызстанға жіберуге, сондай-ақ Шымкент және Өскемен қалаларында сатуға арналған болып шықты. Қылмыстық топтың байланыстарын жою үшін Ұлттық қауіпсіздік комитеті Қырғызстанның ІІМ-мен өзара іс-қимылды іске асырды. ҰҚК баспасөз қызметі
Нәтижесінде, 2022 жылғы 5 маусымда Бішкек қаласында жасырын жерден 3 келі есірткі затын алу кезінде Қырғызстанның 3 азаматы ұсталды.
Арнайы операцияның соңғы кезеңі Өскемен және Шымкент қалаларындағы бірмезгілде 3 есірткі курьерінің ұсталуымен аяқталды. Оларды тексеру барысында 2 келі есірткі табылды. ҰҚК баспасөз қызметі
Жалпы терроризмге қарсы операция барысында есірткі қылмысына қатысы бар 10 адам ұсталып, ірі есірткі лабораториясының жұмысы тоқтатылды.
Сурет: ҰҚК баспасөз қызметі
Тәркіленген есірткінің жалпы салмағы 22.7 келіні құрады (68 мың "бір реттік дозаға" тең).
Аталған фактілер бойынша сотқа дейінгі іс-шаралар өтуде.