Баспасөз қызметі осы уақыт ішінде есірткі саудасының 6 халықаралық және 12 өңірлік арнасы жойылғанын түсіндірді. Синтетикалық препараттарды шығаратын үш жасырын зертхананың қызметі тоқтатылды.
Сонымен қатар, арнайы операция барысында есірткі құрылымдарының 31 мүшесі ұсталды.
Сондай-ақ заңсыз айналымнан 120,6 кг есірткі, оның ішінде 61,8 кг синтетикалық есірткі (206 мың «бір реттік дозаға» баламалы), 6 кг марихуана, 52,7 кг гашиш тәркіленгені атап өтілді. Сондай-ақ, 6 мың экстази таблеткасы мен психотроптық заттарды жасауға арналған екі тоннадан астам химиялық заттар айналымнан алынды.
Маусым айында тәркіленген есірткінің жалпы сомасы «қара нарықта» 1,3 миллиард теңгеден асады. Халықаралық есірткі бизнесіне қарсы іс-шаралар жалғасуда. Қазақстан Республикасы Ұлттық қауіпсіздік комитетінің баспасөз қызметі
