Ол жеке кәсіпорынның директоры екенін айтты. Айтуынша, таңертеңгілік ерте өзінің шаруаларымен үйінен шығып кеткен.
Келгенде сөмкесінде болған 450 мың теңге ақшасының жоқ екенін байқаған. Оқиға орнына жедел-тергеу тобы келіп, мән-жайды анықтай бастады.
Жәбірленушінің пәтерін тексеру кезінде тәртіп сақшылары есіктерде де, терезелерде де бұзып кіру іздерін таппады.
Яғни, сыртқы есіктің кілтінің көшірмесін жасап, жәбірленушінің үйіне кірген деген болжамға келді. Кілттердің жасалу құрылымы өте қиын болса да, ұры кәсіпкердің үйінің кілттеріне қалай да қол жеткізген.
Аталған факті бойынша ҚР ҚК 188-бабы (Ұрлық) бойынша қылмыстық іс қозғалды. Полицейлер жәбірленушінің араласатын ортасын, айналасында кездестірген адамдарды зерттеуге назар аудара отырып, бірнеше нұсқаны өңдей бастады.
12 шілдеде жедел-іздестіру іс-шаралары барысында криминалдық полиция қызметкерлері күдіктіні – 22 жастағы жас жігітті анықтап, ұстады.
Анықталғандай, ол директордың жеке кәсіпорынында әр түрлі жұмысты атқарушы болып істеген.
Ыңғайлы сәтті пайдалана отырып, қаскөй жәбірленушінің кілттерін ұрлап алып, олардың көшірмесін жасап, артынан орнына қойып қойған.
Кейін, кәсіпкердің үйінде жоқ екенін біле, ол пәтерге кірген. Кілттің көшірмесі алынды, тергеу жүргізілуде.
