Осылайша, ереже тармақпен толықтырылды, оған сәйкес кәсіпорындардың (ұйымдардың, мекемелердің) өтініші бойынша колледждер мен оқу орындарына түсетін талапкерлерді іріктеу ұйымның қабылдау комиссиясымен өткізген әңгімелесу нәтижелері бойынша жүзеге асырылады. Кәсіпорындар өкілдерінің қатысуы міндетті түрде болады.
Ережеге сәйкес, мемлекеттік тапсырыс бойынша педагогикалық, медициналық мамандықтар, сондай-ақ өнер және мәдениет мамандықтары бойынша оқуға түсушілер арнайы немесе шығармашылық емтихандарды, сондай-ақ психометриялық тестілеуден өтеді.
Өнер және мәдениет мамандықтары бойынша арнайы немесе шығармашылық емтихан тапсыру кезінде үміткерлер конкурстарға, олимпиадаларға немесе спорттық жарыстарға қатысқан жағдайда емтихандар ақпараттық-коммуникациялық технологияларды пайдалана отырып жүргізіледі.
Білім басқармаларының ақпараттық жүйесі автоматтандырылған тарату арқылы білім бөлімдеріне білім беру ұйымдарына оқуға түсуге үміткерлерді бөлу нәтижелерін жібереді:
білікті жұмысшыларды даярлауды көздейтін білім беру бағдарламалары бойынша оқу үшін әңгімелесуден сәтті өткен тұлғалардың тізімі;
кәсiпорындардың өтiнiшi бойынша кадрларды оқыту, сондай-ақ арнайы оқу бағдарламалары бойынша әңгiмелесуден сәтті өткен тұлғалардың тiзiмi;
орта буын және қолданбалы бакалавр мамандықтары бойынша оқуға конкурстан өткен тұлғалардың тізімі.
Білім алушылар құрамына қабылдау күнтізбелік жылдың 18 тамызына дейін кәсіпорындардың өтініші бойынша қабылдау комиссиясы отырысының хаттамасы негізінде ТжКБ ұйымы басшысының бұйрығымен жүзеге асырылады.
Бұйрық 2022 жылғы 29 шілдеде күшіне енеді.