Украинада қарулы жанжал басталғалы, порттар Ресейдің блокадасына түсіп, ондаған миллион тонна ауылшаруашылығы өнімі экспортқа шыға алмады6 деп жазады qazaqstan.tv.
Осының салдарынан Азияның бір бөлігінде, Африкада, Таяу Шығыста азық тапшылығы күшейіп, баға өсіп, миллиондаған адам аштық қаупіне душар болып отыр.
Өткен айда Стамбұлда Біріккен Ұлттар Ұйымы мен Түркияның арағайындығымен, Мәскеу мен Киев экспортты қайта жандандыруға келісті. Оған сәйкес, Ресей армиясы кемелерді атқыламауы керек, ал Украина сол кемелерді миналардың ортасынан қауіпсіз өткізіп жіберуге міндетті.