Тексеру Қостанай академиясы мен ІІМ Ақтөбе заң институтының басшылығы оқу-әдістемелік жұмысты сапалы және нәтижелі жүргізбегенін, мемлекеттік жалпыға міндетті стандарттардың сақталуына тиісті бақылауды жүзеге асырмағанын көрсетті.
Оның үстіне оқу-әдістемелік процесті ұйымдастыру жолға қойылмаған, оқу орындарының бөлімшелерінің жұмысын үйлестіру өз деңгейінде емес.
Бұл бұзушылықтар Академия мен Институт басшылығының функционалдық міндеттерін және лауазымдық нұсқаулықтарын тиісінше орындамауы салдарынан мүмкін болды.
Қостанай академиясы мен Ақтөбе заң институты басшылығының жұмысындағы олқылықтар мен қателіктер үшін Ішкі істер министрі Марат Ахметжанов жазалау туралы бұйрыққа қол қойды.
Қазақстан Республикасы Ішкі істер министрлігі Ш.Қабылбаев атындағы Қостанай академиясы бастығының орынбасары Ахан Нурушевке қызмет көрсету талаптарын толық орындамағаны туралы ескерту жарияланды.
Ал, Қазақстан Республикасы Ішкі істер министрлігі М.Бөкенбаев атындағы Ақтөбе заң институтының бастығы Алтай Байсұлтановқа қатаң сөгіс жарияланды.