Баку әуежайында мемлекет басшысын Әзірбайжан Премьер-министрінің бірінші орынбасары Ягуб Эйюбов пен Әзірбайжан Сыртқы істер министрінің орынбасары Халаф Халафов күтіп алды, деп хабарлайды Ақорданың Telegram-каналында.
Сапар аясында Қазақстан мен Әзірбайжан президенттерінің шағын және кеңейтілген құрамда келіссөздері жоспарланған.
Мемлекет басшылары екіжақты ынтымақтастықтың кең ауқымды мәселелерін қарастырады деп күтілуде.
Келіссөздер нәтижесінде Қазақстан-Әзербайжан арасындағы бірқатар келісімдерге қол қойылады.