Мемлекет басшысының Жарлығымен Оразалин Оңдасын Сейілұлы Ақтөбе облысының әкімі қызметінен босатылды, делінген ресми хабарламада.
Оңдасын Оразалин 1963 жылы 6 қарашада Ақтөбе қаласында дүниеге келген.
1985 жылы Ақтөбе педагогикалық институтын, 1991 жылы әл-Фараби атындағы Қазақ мемлекеттік университетін бітірген.
Еңбек өтілі:
Ақтөбе педагогикалық институтының оқытушысы (1985-1988);
Ақтөбе педагогикалық институты комсомол комитетінің хатшысы (1988-1990);
«РИКА-ТВ» ЖШС жарнамалық ақпараттық-коммерциялық агенттігінің басшысы (1990-1993);
«Банк-РИКА» АҚ басқарма төрағасы (1993-1999);
«Облтрансгаз» ЖАҚ, «Ақтөбегаз» ЖАҚ басқарма төрағасы (1999-2000);
Ақтөбе облысы Мұғалжар ауданының әкімі (2000-2003);
Ақтөбе облыстық сыртқы экономикалық байланыстар және инвестициялар басқармасының бастығы (2003-2004);
Ақтөбе облысының ішкі саясат басқармасының директоры (09.2004-09.2005);
Ақтөбе облысы әкімінің орынбасары (09.2005-11.2006);
Қазақстан Республикасы Президенті Әкімшілігінің Мемлекеттік бақылау және ұйымдастыру жұмысы бөлімінің мемлекеттік инспекторы (2006-2007);
Қазақстан Республикасы Президенті Әкімшілігінің Мемлекеттік бақылау және ұйымдастыру жұмысы бөлімі меңгерушісінің орынбасары (2007-2008);
Қазақстан Республикасы Президенті Әкімшілігінің Мемлекеттік бақылау және ұйымдастыру-кадр жұмысы бөлімі меңгерушісінің орынбасары (03.2008-10.2008);
Қазақстан Республикасы Президенті Әкімшілігінің Мемлекеттік бақылау және ұйымдастыру-аумақтық жұмыс бөлімі меңгерушісінің орынбасары (2008-05.2014);
Қазақстан Республикасы Президенті Әкімшілігінің Мемлекеттік бақылау және ұйымдастыру-аумақтық жұмыс бөлімінің меңгерушісі (05.2014-22.03.2017);
Қазақстан Республикасы Президенті Әкімшілігі Басшысының орынбасары (22.03.2017-02.2019);
Ақтөбе облысының әкімі (26.02.2019, өкілеттігі 17.06.2019 бастап ұзартылды)
Мемлекет басшысының тағы бір жарлығымен Ералы Тоғжанов Ақтөбе облысының әкімі болып тағайындалды. Бұған дейін ол ҚР Премьер-Министрінің орынбасары болған.