«Қазгидромет» РМК мәліметі бойынша, республика аумағының басым бөлігі солтүстік-батыс суық антициклонның ықпалында болады, осыған байланысты ауа райы салқын болады, тек Қазақстанның оңтүстігінде әлі де жылы.
Атмосфералық фронтальды бөліктердің өтуімен республиканың басым бөлігінде жаңбыр жауады: 8 қыркүйекте – шығыста, 10 қыркүйекте – батыста, солтүстік-батыста – найзағай ойнап, жел күшейіп, бұршақ жауады. «Қазгидромет» РМК баспасөз қызметі
Болжам бойынша, республиканың солтүстік-батысында және солтүстігінде түнде 1 градусқа дейін топырақ бетінде үсік күтіледі.
Ауа температурасы:
республиканың солтүстік жартысында түнде +2...+12°С, күндіз +15...+25°С;
батыста түнде +2...+14°С, күндіз +10...+24°С;
орталықта және шығыста түнде +1...+18°С, күндіз +15...+32°С;
оңтүстік жартысында түнде +10...+23°С, күндіз +20...+35°С.
Бұған дейін қазақстандық синоптиктер қыркүйекте ауа райы қандай болатынын айтқан болатын.