Федоров ауданы Запасное ауылындағы шаруашылықта бір апта бұрын өлген сиырға жүргізілген зертханалық тексеруден сібір жарасы анықталды.
Қазір қора-қопсыға залалсыздандыру жұмыстары жүргізіліп, малға вакцина егу жүргізіліп жатыр, деп жазады qazaqstan.tv.
Жалпы шаруашылықта бес жүзден астам ірі қара бар. Көктем мезгілінде олар сібір жарасына қарсы егілген. Соған қарамастан малға инфекцияның қалай жұққанын мамандар анықтап жатыр. Арада апта өтсе де індет белгілерімен ауырған, өлген мал жоқ, дейді ветеринарлар.