Президент Қасым-Жомарт Тоқаевты «Конгресс орталығында» Өзбекстан Президенті Шавкат Мирзиёев қарсы алды.
Келген сәтінің видеосы Ақорданың Telegram-каналында жарияланды.
Мемлекет басшысы Қасым-Жомарт Тоқаев Шанхай ынтымақтастық ұйымына мүше мемлекеттер басшылары кеңесінің Саммитіне қатысу үшін «Конгресс-орталыққа» келді, делінген хабарламада.
Мемлекет басшысы Самарқандқа 15 қыркүйекте келді. Кейін Қазақстан Президенті мен ШЫҰ-ға мүше мемлекеттердің басшылары «Жібек жолы» туристік орталығында ағаш көшеттерін отырғызды.