Министр ақпарат дәуірінде интернет пен жаңа технологиялардың қарқынды дамуы ақпарат ағынын жеделдеткенін атап өтті. Интернет пен әлеуметтік желілер "көлденең билік" деп аталатын жаңа қоғамдық күшке ие. Азаматтық журналистика мен смартфон журналистикасы алдыңғы қатарға шығып келеді.
Интернеттегі жаңалықтар мен визуал контент ақпарат алудың негізгі арнасына айналды. Дәстүрлі БАҚ өкілдері, әсіресе, баспа басылымдары осыны ойлағаны жөн. Дархан Қыдырәлі
Сондай-ақ ол халықаралық статистика бойынша, 2022 жылдың қаңтарында әлемде 5,5 миллиард адам ұялы телефон пайдаланғанын, интернет пайдаланушылар саны да 5 миллиардқа жуықтағанын, әлем халқының жартысынан астамы желіге ұялы құрылғы арқылы қосылатынын нақтылады. 2021 жылы зерттеулерге сәйкес, 16 мен 64 жас аралығындағы қолданушылардың 60%-ы ақпаратқа жылдам қол жеткізу үшін интернетті пайдаланған.