"Қазгидромет" РМК мәліметі бойынша, атмосфералық фронтальды учаскелердің әсерінен республиканың барлық аумағында ауа райының тұрақсыз сипаты сақталады, қар аралас жаңбыр жауады.
Республика бойынша тұман түсіп, желдің күшейеді, батыста, солтүстікте жаяу бұрқасын соғады, солтүстікте, батыста, орталықта көктайғақ болады.
Күндіз Маңғыстау облысының батысында қатты жаңбыр жауады.
Астанада көшпелі бұлт шығады, өткінші жауын-шашын (жаңбыр, қар) түседі. Түнде көктайғақ болады. Оңтүстіктен соққан желдің күндіз екпіні 15-20 м/с болады. Ауа температурасы түнде 0-2°С, күндіз +3+5°С болады.
Алматы қаласы көшпелі бұлтты, түнде және күннің бірінші жартысында жаңбыр жауады. Жел соғады, күші 2-7 м/с. Ауаның температурасы түнде +5+7°С, күндіз +10+12°С болады.
Шымкент қаласы көшпелі бұлтты, түннің бірінші жартысында жаңбыр жауады. Оңтүстік-батыстан жел соғады, күші 8-13 м/с. Ауаның температурасы түнде +3+5°С, күндіз +14+16°С болады.